އައިސްފައި ދިއުން

ޅެންވެރިޔާ: ޢަބްދުއް ރަޙީމް ޢުމަރު (ކަނީރު)

އައިސްފައި ދިއުމަކީ ދުނިޔޭގެސުންނަތެކޭ  އެހެންނޫންހޭ
      "ނައިސް ނުމެދާ"ނެނީ ހަމައެކަނި ދެމިވޮޑިގެންވި ﷲ އޭ

މިކަމުގައި ނޫން އެކައްޗެއް ޖިންނިއަދިމީހުން ތަފާތުނުވޭ
      ނިކަންވިސްނާލުމުން ޝައްކެއްކުޑައިކޮށްވެސް ނުވޭނޫންހޭ

Maizan Online

Maizan Online

އިހަށްދުހު ރޯދަމަސް  ކުޑައީދު ހައްޖާ އައިއެ ބޮޑުއީދާ
      އިހަށްހެން އައިސްފަ އޭ ދިޔައީ ދުނިޔެވީމީ ގޮތެއްނޫންހޭ

އެދިއުމަށްފަހު ދެނެއްނާދޭ އެދުވަހެއް އެވަގުތެއް  ނާދޭ
      ވެދިޔަވަގުތެއް ކަމެއް އަނބުރާއައުމަކީ ނެތްކަމެއް ނޫންހޭ

އުފަންވާ އެންމެހައިދިރުމާ ވަކިންއިންސީންވިޖިންނީންނާ
      އުފަންވެ އުމުރުހަމަވެ މަރުވުން އައިސްފައިހަމަދަނީނޫންހޭ

ގުޅޭ އެކިނަންކިޔާ ގުޅުމާ އެއަށްފަހު ކެނޑިވަކިވެދިއުމާ
      އޮޅޭ އޮޅުމާ އޮޅުންފިލުމާ އެއީވެސް އައިސް ދަނީ ނޫންހޭ

މިއީވެސްކަމެކެ ވިސްނަންވާ މިހެންކަން ކަންއޮތީފެނިވާ
      މިއީ  ﷲ ވޮޑިގެންވާ ކަމުގެ  ހެކި ސާބިތެއް  ނޫންހޭ

* *