ޕޭން ކޭކު (ކޭކުފޮޅި)

ފުރަތަމަ 2 ބިހާއި، ހަކުރު އަދި ލޮނު އަޅާފައި ރަނގަޅަށް ގިރާލާށެއެވެ. އެއަށްފަހު ތެލާއި، ކިރު އަދި ވެނީލާ އެސެންސް އަޅައިގެން 3 މިނެޓު ވަންދެން ގިރާލާނީއެވެ.

ދެން ފުށް އަދި ބޭކިންގް ޕައުޑަރ އަޅައިގެން ރަނގަޅަށް އަނެއްކާވެސް ގިރާލާށެއެވެ. އެއަށް ފަހުގައި މަޑުގިނީގައި ތަވައެއް މައްޗަށް ކުޑަ އުދުޅިއަކުން ގިރާފައި ހުރި ފުށް އުދުޅިއެއް އޮއްސާލައި، ވައްކޮށް އެއްވަރަށް ފަތުރާލައި، ދެފުށްވެސް ކުޑަކޮށް މުށިކުލަ އަންނަންދެން ފިހެލާށެވެ.

ހުރިހާ ޕޭންކޭކެއް ފިހެ ނިމުމުން ޓޮޕިންގްސް ހެދުމަށް ޗޮކުލެޓު ނުވަތަ ޕޭންކޭކު ސިރަޕް، ޕޭންކޭކު މައްޗަށް އަޅައިގެން ބޭނުންކުރެވިދާނެއެވެ. މާމުއި ނުވަތަ ތުނިކޮށް ކޮށާފައި ހުރި މޭވާވެސް އެޅިދާނެއެވެ.